亞視台慶logo,網友笑「死」

發表於 2013-05-31 15:00 | 來源:互聯網

亞視死logo

亞視56周年台慶logo被指似足「死」字,網民喪笑「台之將亡,必有啟示」,亞視執行董事盛品儒力撐亞視不「死」!而日前有份舉牌的顏子菲寄望明年會更好,而鮑起靜直言亞視畀人「唱」感傷心!

亞視台慶logo,網友笑「死」

亞視前日在大埔總台舉行56周年台慶盛典,安排了一眾藝員舉起大型紙牌砌出56周年台慶logo,而logo昨日在互聯網上被網民瘋傳,不過一眾網民看到後都認為logo十足「死」字,有網民留言「係咪冇錢找數畀個設計師?」、「點解橫睇豎睇都似個『死』字」等。

亞視台慶logo,網友笑「死」

亞視執行董事盛品儒昨日回應指logo由美術部門設計,但不會因此問責,他又死兜logo唔似「死」字:「logo推出之前係經管理層睇過,大家都唔覺似『死』字,反而覺得設計充滿現代感同美感。」盛品儒認為logo被廣傳表示大家仍是關心亞視,但亦會考慮應市民要求為logo作輕微修改。面對亞視台慶與「死」扯上關係,盛品儒乘機玩暗寸:「死都未必係亞視死,可能係其他人死呢!(邊個係其他人?)講笑嗜!」
顏子菲寄望明年

至於其他亞視藝員對「死」各有見解,顏子菲表示自己前日有份舉牌,但唔認為logo與「死」相似:「係56年嗜,57年就唔會有啦,希望等到57啦,我都係靠呢份糧過活。」另外,鮑起靜前日有份為台慶活動擔任嘉賓,已完約的鮑姐現為香港電視開工,但她對30年賓主關係的亞視畀人「唱」感到傷心:「我聽到都心痛,電視工業要百花齊放先好,我唔希望畀人講中亞視『死』,我想佢進步。」有傳林韋辰及陳啟泰因早前接受訪問支持政府發牌而惹亞視不滿,故缺席台慶活動,林韋辰否認有其事:「我本來係當日司儀,但有工作在身先冇出席,我亦唔認為公司會因我講嘅野而有咁嘅做法。」盛品儒則回應亞視並無不滿,香港有言論自由,但對兩大亞視代表人物齊齊缺席台慶表示唔清楚,並指是由製作部安排演員出席。

亞視台慶logo,網友笑「死」

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們