男生最想要的3大類型女生!

發表於 2012-11-17 21:17 | 來源:互聯網

有無發現,有某啲類型嘅女生總係特別能夠留住男生嘅心?佢地唔係特別靚、身材特別好,但就正正係男生鍾意嘅類型,究竟男生想要邊類型嘅女生,睇嚇下文就知!

男生最想要的3大類型女生!

1夠bright的女生

乜野叫夠bright?就係要有自信!首先你要相信自己,你地成為情侶係因為佢夠運,而唔係你好彩先有佢做你男朋友,呢種自信會令你顯得神采飛揚。如果你想男生認為你嘅性格好吸引佢,認為你好bright、光芒四射,秘訣就在於做人要開開心心、樂於做自己。同佢分享自己嘅想法同見解,證明你夠自信,會放膽講出心底話,成為佢嘅「靈感女神」;因為你,佢都想自己成為「the best」!

2有幽默感的女生

咁唔代表你要做一本人肉笑話集,不停地搞gag,而係你要將生活同自己看得夠通透。如果你對自己外表有自信,可以同朋友從容、愉快地相處,而且能夠拎自己嘅錯處同弱點嚟講笑,就最吸引,因為無胸襟接受自己嘅弱點,或者唔肯拎自己嚟開玩笑嘅女生,會令男生感到無安全感。你對自己充滿幽默感,表示你同時能夠接受佢嘅小弱點。你要俾佢知道,佢嘅小缺點只會令佢更cute更有趣,而唔係相反(當然,唔係叫你漠視佢嘅小缺點,如果佢成日發你脾氣,就唔算係小缺點!),咁做會令佢感到同你一齊係自在同開心。

3善解人意的女生

搵到一個能夠了解自己嘅女生,對男生而言絕對係好正。如果要領會佢嘅渴望同夢想,最好嘅方法係俾佢覺得無其他人有你咁細心,時時刻刻都會深入地聆聽佢嘅說話。例如男生感到事業上一片迷惘時,同你傾完之後,佢會覺得你知佢想要咩,有人能夠明白佢,佢會覺得有你喺身邊係一件好有安全感嘅事。當你俾意見佢之前,先集中精神聽佢嘅說話,你唔單止要做佢嘅朋友,仲要做個善解人意嘅知己,變成佢嘅親密戰友,有咩重要事需要商量時,你就會成為佢嘅首選人物。當佢發現你能夠諒解佢,有耐性而且能俾非常合適嘅建議佢時,佢會知道自己唔可以無咗你!

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們