慢必初戀獻陳百強粉絲

發表於 2012-11-27 05:00 | 來源:互聯網

慢必初戀

同志立法會議員「慢必」陳志全,喺尋晚播出嘅一個網上電台節目上大談戀愛經歷。佢透露喺大學時嘅樣貌好似已故歌手Danny陳百強,所以當時大學教授或同學都直呼佢做Danny,而佢第一個男朋友正正就係陳百強嘅超級粉絲。

慢必初戀獻陳百強粉絲

慢必憶述,當年第一次喺沙灘見到個男仔就一見鍾情,結果兩人開始拍拖,但佢初初只係「小三」身份,四年後先做「正印」,最後佢哋相愛咗十二、三年,雙方經歷過好多,所以一直認定對方係永遠喺一齊嘅對象,但直至游水教練嘅出現,令佢哋嘅關係有所改變。

佢話當時學游水,漸漸就鍾意咗教練,「嗰時十二月學游水,得十四、五度,因為真係好有動力」,其後兩人仲住埋一齊,但教練並非同性戀者,所以佢只好單戀對方。近年佢曾有個比佢年輕十六年多嘅男朋友,同埋一個一齊咗五年嘅男朋友,佢話九成關係都係佢愛對方多過對方愛佢,因佢太易愛一個人喇,而且認為喺每段關係都唔可以畀自己有後悔嘅機會,所以歌手黃耀明嘅一首曲《我這麼容易愛人》正係佢嘅主題曲喎!

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們