黃紫盈復工「被放逐」到深宵時段,陳嘉欣午間新聞坐正

發表於 2013-07-31 20:44 | 來源:互聯網

黃紫盈復工

「各位,由黃紫盈報道新聞﹗」似曾熟悉的聲音,今日凌晨再現螢光幕,原來黃紫盈已被放完大假,靜悄悄回歸無綫新聞部。

上月底無綫新聞部兩位小花黃紫盈及張文采明爭暗鬥,事件令無綫高層怒不可遏,急召兩女主播「照肺」,勒令兩人要收口。而黃紫盈因為被指報道新聞時表現不專業,有傳被新聞部經理黃淑明,要求佢7月10日開始放大假,以為事件告一段落,點知「被放假」嘅黃紫盈之後似是心有不甘,竟然喺網上發功妙語連珠,擺明違抗封口令,挑戰官方收口令博炒。

黃紫盈復工「被放逐」到深宵時段,陳嘉欣午間新聞坐正

好喇,雖然被指博炒,但「被放大假」嘅黃紫盈原來已經靜悄悄復工,重現螢光幕啦,不過佢唔係報天氣,亦都唔係報新聞提要,更加唔係喺黃金時段報新聞,咁黃紫盈被調到去邊呢?就係深宵新聞時段,有傳呢個安排係「被放逐」,其實黃紫盈及張文采呢次風波,就令另一主播陳嘉欣冷手執個熱煎堆,成功上位,嘉欣BB呢兩日午間新聞時段坐正報新聞。

黃紫盈復工「被放逐」到深宵時段,陳嘉欣午間新聞坐正

雖然「被放逐」調到深宵時段報新聞,但有網民及粉絲讚好,認為既可避免同張文采碰面,又可增加夜間時段收視,甚至有網民話「好過永不超生」。

唔知又會唔會再掀起另一場主播鬥法呢?

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們