AOA組合,23歲孖妹未拍過拖呻慘

發表於 2012-10-27 21:00 | 來源:互聯網

女子組合AOA以孿生姊妹姿態進軍樂壇,Annelle(大Ann)和Annice(小Ann)今年23歲,卻從未拍過拖,不過大Ann踢爆妹妹異性緣甚佳,追求者又比她多,笑言將來會破壞小Ann的戀情!

吳燕珊(Annelle、大Ann)與吳燕菁(Annice、小Ann)這對孖生姊妹樣貌、身形都非常酷似,問到有否試過對調身份整蠱男朋友?兩姊妹齊聲大叫:「好慘呀!仲未拍過拖呀!」小Ann大嚷:「細個爹地媽咪唔畀我地拍拖,上咗大學又遇唔到啱嘅人,我地班得4、5個男仔,全部都有女朋友。」

AOA組合,23歲孖妹未拍過拖呻慘

鍾意吳彥祖

大Ann表示自己要求唔高:「又唔一定要靚仔,我鍾意陽光運動型,要有幽默感同會氹我開心!」小Ann則說:「我就鍾意啲體貼gentlemen、成熟穩重型嘅男仔,好似吳彥祖咁就最好!」

問到誰較受fans歡迎?家姐就大爆小Ann有好多男fans,小Ann自信地說:「我異性緣不嬲都好過佢!」原來大Ann自小讀書成績好,小學時甚受女同學歡迎,連生日禮物都多過妹妹,令小Ann非常羨慕。大Ann笑說:「但係上咗中學就唔係喇,佢好多男仔追,搞到我鬼咁羨慕!如果第時佢拍拖,我覺得個男仔唔好嘅話,我會拆散佢地!」當然大Ann只是在講笑,並直言若然有好男仔都會幫忙撮合。

AOA組合,23歲孖妹未拍過拖呻慘

今年樂壇湧現多隊女子組合,問到如何突圍?小Ann搶著說:「我地4歲已經學跳舞,一直都有好多表演,入行前又做過5年主持,所以對舞台會比較熟悉囉!」

想拿新人獎

大Ann補充說:「我地會喺舞蹈上落多啲工夫,《我主場》呢隻歌特登請Sunny Wong校長幫我地排舞,比較男仔step啲,會走型格路線!」她們又對年尾頒獎禮信心十足,小Ann說:「信心就有嘅!最想拎新人獎,因為得一次咋!」

AOA 主打快歌《我主場》(Official Music Video)

《AOA –我主場》

作曲:朱俊傑

填詞:曾紀諾/ 張楚翹@Solid Sound / 伍樂城

被眾人激怒被惡人追捕

但我在主場堅守我的舞步

I play my solo surprise my Romeo

由我來開路一起出走更好

身邊多壓力揭示我本身應有的價值

我用滿分的專注力竭力要爆出一個驚天的刺激

來跟我顛倒一切癲足一世落力上

螢光與燈光普照匯聚力量氣溫高漲

我不會給你隔靴搔癢(在結集正面能量)

來一次拋開一切即管釋放大合唱

留給你幾多珍貴精彩一刻記憶漫長

放膽去跟我四出翱翔(讓信念繼續燃亮)

讓血液溫度讓血脈速度

為我在主場築起我的國度

If you can follow you’ll be my Romeo

為你而驕傲歡呼聲響至高

一身吸引力我獨有創新方向的氣力

快樂與憂傷的角力發誓要唱出一個驚喜的角色

來跟我顛倒一切癲足一世落力上

螢光與燈光普照匯聚力量氣溫高漲

我不會給你隔靴搔癢(在結集正面能量)

來一次拋開一切即管釋放大合唱

留給你幾多珍貴精彩一刻記憶漫長

放膽去跟我四出翱翔(讓信念繼續燃亮)

來跟我一起摸索一起釋放賣力上

螢光與燈光普照匯聚力量氣溫高漲

我不會給你隔靴搔癢(在結集正面能量)

來一次拋開一切即管釋放大合唱

留給你幾多珍貴精彩一刻記憶漫長

豁出了一切愛多幾仗(讓信念繼續燃亮)

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們