香香磨豆腐遭高Ling「滅口」

發表於 2012-11-15 15:00 | 來源:互聯網

香香磨豆腐

「宅男女神」岑麗香與苟芸慧的廣東話經常被拿來做笑柄,香香前晚綵排台慶節目時竟邊做動作,邊跟組員說:「我哋依家磨豆腐!」經高海寧解釋後才知講錯說話!

香香磨豆腐遭高Ling「滅口」

香香(右)驚爆:「我哋依家磨豆腐!」嚇得高海寧邊笑掩實香香的嘴!

岑麗香(香香)、苟芸慧及無綫小花高海寧(高Ling)、何傲兒、王君馨及黃翠如等前晚為台慶綵排跳舞,分為春、夏、秋、冬四組擺出不同甫士,身材好及有睇頭的女神如香香、苟芸慧、高Ling、何傲兒及許亦妮等被編為夏天一組,相信屆時會性感示人!不過合照時,香香突然做出跳舞動作兼爆出一句:「我哋依家磨豆腐!」嚇呆現場眾人,高Ling即時醒目掩着香香的嘴,然後咬耳仔解釋「磨豆腐」的意思,香香知衰尷尬高呼:「Oh!我唔知呀!」

香香磨豆腐遭高Ling「滅口」

高海寧(左二)與香香(右二)咬耳仔解釋一輪後,香香始知講錯嘢!

問高Ling如何向香香解釋?她說:「我咪話Lesbian搞嘢囉!」而香香解釋因為舞蹈中有個動作好似磨豆漿,自言不知道「磨豆腐」的意思,她笑說:「啱啱學到啦!(好在唔係Live?)所以Live嗰晚我唔講嘢!」她笑言有諗過請女翻譯,提到請男翻譯可能不用花錢,她說:「唔好咁講!」

香香磨豆腐遭高Ling「滅口」

龔嘉欣懶理捱鬧

至於因工作遲到的苟芸慧被問到知否「磨豆腐」的意思,她說:「唔知!冇聽過呢個!」當她知道之前香香的一番「豪語」後,即說:「我諗佢都唔知係乜,我哋都好單純,加拿大唔會咁形容,一講磨豆腐咪就諗係真係磨豆腐囉!」

香香磨豆腐遭高Ling「滅口」

另外,龔嘉欣早前與鄧健泓分手時被指搭上許家傑,更被對方女友在微博大鬧是狐狸精。對此,她坦言許家傑都有解釋,不過所指的女友只是對方的朋友,傳出緋聞後,她主動跟許家傑女友通電話解釋:「唔想影響人哋,佢同女朋友都好Sweet、好穩定,唔緊要啦!當係《拳王》入面角色(狐狸精),冇乜所謂!(許家傑係咪鍾意你?)唔係!佢成日話香香、苟姑娘靚。」她指近日沒有跟鄧健泓聯絡,問她是否Ready接受其他人追求?她說:「未!仲係好唔開心!」

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們