雷霆掃毒|《雷霆掃毒》游繩搏命宣傳

發表於 2012-09-24 23:22 | 來源:互聯網

雷霆掃毒

雷霆掃毒|《雷霆掃毒》游繩搏命宣傳

無綫新劇《雷霆掃毒》即將於下周接《巴不得媽媽》棒於黃金時段首播。昨日一班演員苗僑偉、林峯、徐子珊、官恩娜、黃智賢及吳綺莉等就出席「雷霆大激鬥」活動,挑戰多項體能賽事。劇中飾演死對頭的苗僑偉與黃智賢更不顧危險,一同表演游繩從高樓滑到地面,場面緊張,到最後終於成功落到地面,兩人不禁相視而笑。

以白色短紗裙上陣參賽的徐子珊大嘆自己穿錯衣服:「喺套劇入面做毒后,成日要喺後巷拍戲好污槽,今日咪諗住着件白色嘢感覺乾淨啲,點知好唔方便。」她透露今次角色的爭議性很高,但不擔心會破壞形象,因角色是悲劇人物,亦是一個很好的反面教材。監製亦有表示滿意其表現,令她都十分期待劇集出街的反應。

徐子珊拍年曆覺好笑

問到會否對視后獎項信心大增,她就笑言:「冇話有冇信心,但我今年得一套咋,如果冇提名直頭出席唔到頒獎禮啦!哈哈!」而子珊今年又有份拍攝年曆,並再次與林峯、鍾嘉欣、馬國明及陳茵媺一同擔任「一月之星」,她對此都感到好笑:「我諗我哋喺樂小姐心目中已經係一Group人,連續三年都係咁,對上一次仲要都係拍一月,幾好笑!可以考慮做組合!」

林峯力撐吳卓羲

只參與「扯大纜」的林峯表示自己沒有運動細胞,前日睡覺時更瞓「厲」頸,所以昨日只好在一旁觀戰。他更笑言要找質素好的床上用品贊助,以免同類情況再次發生。提到成為「一月之星」為年曆打頭陣,林峯就笑對公司重視的說法:「到時我拍台慶嗰個月呀,你哋咪又係會話重視!以後每人跟番自己生日嗰個月拍就冇得講啦!哈哈!」而對於老友吳卓羲被雜誌拍到於三亞拍攝《衝上雲霄2》時,與已為人妻的Toby半夜親熱,林峯就替對方大講好說話:「成班人收工玩吓好正常啫!(又攬又抱喎!)大家都識咗十幾年,佢(Toby)叫我哋阿哥㗎!由細睇到大,我諗係錯覺啫!」之後更出面向傳媒求情,謂希望大家手下留情,放過好兄弟。

吳卓羲的舊愛官恩娜就冷淡對待事件道:「我唔清楚件事係點,唔方便回應!(Toby呢?)我同佢同期出道,覺得佢都ok!(吳卓羲係咪當時都好鍾意飲酒?)唔方便講人啲嘢啦!」她補充有時自己生日或劇組完工都會一起慶祝,但就未有見過同類事情發生,及後更笑說:「飲酒傷肝呀,唔好飲咁多!」

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們