曾鈺成唔准「世界末日」

發表於 2012-12-21 21:00 | 來源:互聯網

不批准世界末日

今日就係傳說中馬雅曆法嘅所謂「世界末日」,面對社會上流言紛紛,Emily唔少朋友都不禁喺facebook上問一句「世界末日到了麼?」。不過,立法會主席曾鈺成就話,唔會批准「世界末日」,事關立法會有好多事未傾完。

曾鈺成唔准「世界末日」

「有大量事務明年須續會」

話說曾鈺成噚日打算同議員預告下次開會時間之時,無端端突然一臉正經咁講﹕「各位議員,本會尚有大量事務需要處理,明年係必須續會,所以我不能批准明日(指今日)為世界末日。我現在宣布休會,本會2013年1月9日,星期三上午11時正續會。」得在場議員哄堂大笑,甚至拍掌欣賞曾主席嘅幽默感。

曾主席嘅「驚世」片段一出,不但引起網民瘋傳,仲有唔少人留言,認為佢「勁過李氏力場,連末日都擋到」。此外,亦有人話「原來最終拯救咗世界係佢」、「成功爭取取消世界末日」等。有網民仲要求翻譯成英文,一於將呢個消息傳遍國際。

曾鈺成:不批准明日為世界末日

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們