網絡審判?大家點睇「世紀大賤警」事件

發表於 2012-12-13 21:00 | 來源:互聯網

世紀大賤警

今日FB 的熱話除了12.12。12 外,還有就是「世紀大賤警」事件。不像上次「$500人情」有當事人現身說法,暫時只有一張相和故事,但已經被網民們鬧爆,Unwire 的讀者們對這件事有甚麼看法?是否又是一場網絡審判?大家一齊來Chat 下吧!

網絡審判?大家點睇「世紀大賤警」事件

蒙騙8年拍拖女友,與同僚結婚,元配女友看facebook始發現

有無諗過一個同你攜手度過8年、信誓旦旦話同你下年結婚的人,聲都唔聲突然同另一個女人結婚? 而你只係睇facebook先發現「男友結婚了,新娘不是我?」

結婚當天朝早仲噓寒問暖,下晝仲主動「報到」話放工好攰返屋企休息,但夜晚就係facebook被朋友tag結婚擺酒的相,令成個謊話曝光。

駐守九龍某分區的賤警張X健(Benjamin)喺2004年仲讀緊中學時已經同X小姐拍拖,一直感情要好,2009年年尾仲同X小姐開聯名戶口一齊儲錢,計劃盡快拉埋天窗。賤警於兩個月前出席X小姐表姐的婚禮時,仲當住一眾親朋戚友面前許下承諾,會喺下年中迎娶X小姐,令X小姐深信終於找到可付託終生的伴侶。

12月6日晚(事發前2日),賤警仍然上X小姐家過夜。12月8日早上(事發當日),賤警仲what’s app X小姐,叫女友注意天氣涼要添衣。下晝仲同X小姐講自己剛收工好攰,會返屋企休息,晏D再搵X小姐。X小姐不虞有詐,豈料夜晚一個友人叫佢睇賤警facebook,X小姐一睇先發現拍左拖8年的枕邊人同另一女警擺酒結婚!

X小姐大受打撃,有邊個可以接受今朝仲情深款款的男友竟然可以咁對自己? 佢即時搵賤警問個究竟,但賤警一直唔接電話。

2日後,賤警主動打返電話比X小姐,話對佢唔住,但好快就講出真正目的—問X小姐可唔可以拎返自己有份儲的錢!

原來賤警已經同同僚一齊左2年半,今年11月21日係女警的生日,但賤警當晚竟然仲喺X小姐屋企過夜。

回想過去的一切,X小姐頓感心寒,難以接受8年來一直痴心錯付比呢個幾近人格分裂的「狼君」。

如果一個男人稍有良心,都唔會選擇用呢個方式傷害一個一齊左8年的情人。

我地將呢件事寫出黎,係希望各位女士警剔,亦唔想賤警婚後再出黎「犯案」害人。

當然賤格成咁嘅男人未必咁易搵到,呢位賤警已屬極品。

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們