圈中好友棟篤笑撐場,黃子華嬉笑怒罵國民教育

發表於 2012-10-07 10:00 | 來源:互聯網

圈中好友棟篤笑撐場,黃子華嬉笑怒罵國民教育

一連十場的「黃子華棟篤笑2012—洗燥」前晚於紅館揭幕,吸引大批圈中好友到場支持,包括黎耀祥、郭靄明、葉德嫻、陳彥行、姚嘉妮、廖啟智、蔡一智、許志安、蘇永康和農夫等。一如既往,子華這次演出仍有不少觀眾大喊「回水」和「除褲」。在講述港人經常不夠錢用時,又坦言自己每次開騷都是因沒錢用,引得全場拍手叫好。

棟篤笑開場前先播出一段短片,片中請來劉青雲和黎耀祥兩大實力派助陣,難怪片段播放完畢後,子華即分別向兩位道謝,笑言為了觀眾足足欠下了巨款:「一個視帝,一個影帝,片酬實無走,為大家我就咁欠落二千萬,不過我一都唔後悔!」而首場演出碰巧撞正全港哀悼日,子華就在台上叫有默哀過的觀眾拍手,結果差不多全場觀眾齊齊拍手,子華便決定把原先準備了的默哀時間取消:「既然大家都默哀,咁就得啦。好記得上次撞正沙士,全場戴曬口罩,好不幸。(回水!)你唔係諗住用默哀交換呀?遇到慘事應該要沉思同感恩。」

子華指出香港人主要有兩個「燥」,都是因為和「母親」文化不同而出現的,第一是「母親」發明了掂地吊頸的方法;第二是做官貪污,而這點香港亦做得最貼。

圈中好友棟篤笑撐場,黃子華嬉笑怒罵國民教育

反映港人心聲

子華更以母親節唱歌的比喻來諷刺國民教育:「唱歌無問題,但邊個諗要唱到喊?呢度係香港唔係北韓,北韓都係有人死先喊。」對於學民思潮早前的絕食抗議,子華就以當日黃之鋒拒絕和梁振英握手一事,子華扮演CY的內心感受:「死仔,同我鞠躬唔握手,打你失身份,唔打又難忍!」更謂學生們每逢大時大節均去到CY 家大叫「切(撤)」,還擺出剪刀手勢:「叫咩!我男人,你係咁叫又擺鉸剪,都軟化曬啦!咪唯有推老婆出,當一個女人講『佢切,我點算!死畀你睇!』咁就贏曬啦,邊度仲有人敢講。」

諷刺國民教育

末日論是近期熱門話題,子華表示不相信今年十二月二十一日是世界末日,問觀眾誰相信,他指住一位舉手的女觀眾說:「你拎LV袋,但你信有世界末日,咁畀曬啲LV袋我喇。」他又笑稱若真的有末日,可以與世上最有錢和叻人同時死去,是件威水事。

另一必講話題是國教風波,他用母親節唱歌唱到喊,諷刺國民教育,又扯埋北韓嚟講,指北韓人都係有人死咗至喊。提到黃之鋒拒絕與特首梁振英握手一事,他將個人諗法套在特首身上:「死仔,同我鞠躬唔握手,打你有失身份,唔打又難忍。」

擺女人上檯

對於學生去特首家外大叫「撤(切)」,擺出剪切手勢,他說:「叫乜嗜,我係男人,你係咁叫又做曬手勢,都軟化曬喇,惟有推老婆出嚟,當一個女人講『佢切咗,我點算,死畀你睇』時,仲邊有人敢講野,贏曬喇。」

子華再擺女人上檯,笑現代女性擁有兩項性徵:一是子宮,二是LV,女人唔夠「事業線」唔使驚,可以買兩個LV補救,冇LV好可能子宮會萎縮,如果唔係點解LV門口會有咁多中國人排隊,講完自己大笑。將完場時,跟過往一樣,有觀眾大叫「回水」和「除褲」,子華說:「香港人經常唔夠錢用,我每次開騷都係唔夠錢用。」他的坦白贏得喝采和掌聲。

是次棟篤笑包含了不少香港人的心聲,而題材亦全都有關日常生活如通脹、世界末日和中日釣魚台事件等等。

Related Posts Plugin for WordPress, Blogger...
喜歡 A096生活風向標 的文章,那就通過 RSS Feed 功能訂閱閱讀吧!

返回首頁 | 關於我們 | 版權聲明 | 廣告合作 | 友情鏈接 | 聯繫我們